Azərbaycan Tikinti Materialları İstehsalçıları Assosiasiyası (ATMİA)

Azərbaycan Tikinti Materialları İstehsalçıları Assosiasiyası ümumi maraqlara xidmət edən, könüllülük, üzvlərin hüquq bərabərliyi prinsipləri əsasında yaradılan, öz fəaliyyətinin əsas məqsədi kimi gəlir əldə etməyi nəzərdə tutmayan ictimai birlikdir.

Birlik öz fəaliyyətini Azərbaycan Respublikasının Konstitusiyası, “Qeyri hökumət təşkilatları (ictimai birlik və fondlar) haqqında” Azərbaycan Respublikasının Qanunu, digər normativ hüquqi aktlar və bu nizamnamə əsasında həyata keçirir.

ATMİA 2017-ci ildən Azərbaycan Respublikasının Ədliyyə Nazirliyində dövlət qeydiyyatına alındığı vaxtdan etibarən hüquqi şəxs statusunu alıb. Hal-hazırda Azərbaycanın yüzlərlə aparıcı tikinti şirkətləri və tikinti materialları istehsalçıları ATMİA-nın üzvüdür.

Azərbaycan Tikinti Materialları İstehsalçıları Assosiasiyasının (ATMİA) məqsədi yerli tikinti materialları istehsalçılarının dəstəklənməsindən, tikinti materiallarının keyfiyyətinin və qiymətlərinin münasibliyinin yoxlanılmasından, bazarın təhlükəsizliyinin təmin edilməsindən, yeni texnologiyaların və beynəlxalq standartların tətbiqindən, tədqiqatların aparılmasından, iqtisadi və sosial inkişaf sahəsində dövlət tərəfindən həyata keçirilən tədbirlərin təbliğ edilməsindən ibarətdir.

Azərbaycan Tikinti Materialları İstehsalçıları Assosiasiyası (ATMİA) nizamnamədə nəzərdə tutulmuş vəzifələri həyata keçirmək üçün Azərbaycan Respublikasının dövlət, bələdiyyə orqanları və beynəlxalq təşkilatlarla əməkdaşlıq etmək, elmi araşdırmalar aparmaq, qanunvericiliyə müvafiq qaydada mətbuat nəşrlər dərc etmək, ölkə daxilində və xaricdə fəaliyyət göstərən müxtəlif qeyri-hökumət təşkilatları ilə, həmçinin regional və beynəlxalq qurumlarla əlaqə quraraq birgə layihələr həyata keçirir müxtəlif kurslar, seminarlar, dəyirmi masalar, elmi araşdırmalar və görüşlər təşkil edir.

Assosiasiyanın prioritet məqsədlərindən ən başlıcası «Made in Azerbaijan» vahid Azərbaycan stendi adı altında yerli şirkətlərin istehsal etdikləri tikinti materiallarının beynəlxalq bazarlarda tanıtımı və satışına dəstək göstərilməsindən ibarətdir. 

Azərbaycan Tikinti Materialları İstehsalçıları Assosiasiyası ictimai birliyi (bundan sonra – Birlik adlandırılacaq) 2017-ci ildə yaradılmışdır. Birlik öz fəaliyyətini Azərbaycan Respublikasının Konstitusiyası, “Qeyri-hökümət təşkilatları (ictimai birliklər və fondlar) haqqında” Azərbaycan Respublikasının Qanunu, digər normativ hüquqi aktlar və bu Nizamnamə əsasında həyata keçirir.

Birlik Azərbaycan Respublikasının Ədliyyə Nazirliyində dövlət qeydiyyatına alındığı vaxtdan hüquqi şəxs statusu əldə edir. Birliyinn müstəqil balansı, üzərində adı yazılmış möhürü, ştampı, Azərbaycan Respublikasının banklarında hesablaşma hesabı və digər rekvizitləri vardır.